*Направете сè за вашиот гостин да се чуствува почитуван

Луѓето секогаш сакаат да се чуствуваат важни и ценети кога се во посета на некој угостителски објект. Како сопственик или пак вработен во угостителски објект, секако дека ова е една од задачите кои треба да ги исполните секојдневно за да бидете успешни и профитабилни.

*Запомнете го името името на гостинот

Најголемата предност за вас е ако му се обратите на гостинот со неговото име, само така тој ќе се почувствува добредојден и слободен во вашиот локал. Ова нека биде вашата прва задача за успешен угостителски објект. Задачата е лесна, повторете го неговото име во првите неколку реченици додека разговарате со него.

*Насмевка

За некого да му покажете дека е добредојден доволно е само да го пречекате со насмевка. Ова е најсилната алатка со која секој вработен треба да располага. Штом ќе го видите гостинот дека пристапува во вашиот локал потребно е само да се насмевнете.

*Запомнете што најчесто порачуваат

Покрај името, за сите ваши гости треба да запомните  во која храна или пак пијалок тие уживаат. Доколку ги знаете овие две работи, ви честитам, вие веќе имате постојан гостин.

*Дознајте повеќе околу вашиот гостин

Додека разговарате со вашиот гостин пробајте да дознаете повеќе работи и информации кои можете да ги користите во некоја наредна прилика кога тој ќе биде повторно во посета на вашиот локал. Тие ќе се почувствуваат многу важни затоа што сте запомниле и сте се сетиле на работи кои тој ги споделил со вас. Со ваквиот тип на конверзација вие градите доверба со гостинот и сте станувате негов соговорник.

*Послужете ги со пијалок од локалот

Понекогаш, но не постојано за да не се навикнат на вакви работи, понудете ги со бесплатен пијалок од локалот. Користете ги зборовите  „Oва е од куќата“. За третата или четвртата посета во вашиот локал, бесплатен  пијалок или пак предјадење е голем гест кој гостинот ќе го цени.

*Почувствувајте што би посакал гостинот 

Бидете шармантни. Направете нешто што вашите гости би го сакале.  Пред нивните пријатели дадете им комплимент за нивниот изглед или пак кажете им дека нивниот часовник изгледа убаво.  Сето тоа направете го додека разговарате со нив.

*Мотивирајте ги вашите вработени 

Поттикнете ги своите колеги и вработени, мотивирајте ги и натерајте ги да размислуваат исто како вас. Создадете позитивна мисла и енергија.

*Вработете луѓе со кои вашите гости ќе се чуствуваат одлично

Доколку вашата кујна не работи совршено или пак коктелите на коктел мајсторот не се квалитетни, гостинот може да ги занемари ако се чувствува одлично во вашиот објект. Вработете луѓе со кои вашите гости ќе се чувствуваат убаво.

*Потикнете ги вашите вработени секој гостин да го гледаат со голема важност

Секој вработен треба да биде наградуван доколку имаат свои редовни гости или пак знаат голем број од  имињата на гостите, како и ако добиваат позитивни коментари.

*Направете систем за наградување на постојаните гости

Потрудете се да направите картичка за вашите влијателни гости со кои што ќе знаете колку често тој го посетил вашиот локал.

*Беспрекорна услуга

Сите угостителски објекти мислат дека имаат беспрекорна услуга, но дали тоа е така ?! -Дали некогаш сте се запрашале колку долго вашите гости чекаат за да ја добијат својата нарачка или пак каков е вкусот и квалитетот на нивниот коктел? Сите овие работи се од големо значење и спаѓаат во квалитетот на вашата услуга.

*Понудете им на гостите тоа што очекуваат

Ако сте вие сопственик на локалот и сте задоволни со работата и заработувачката која ја имате месечно, тоа не значи дека вие тука треба да застанете. Понудете им на гостите малку повеќе од нивните очекувања. Поместете ги границите на нивните очекувања.

*Квалитетна храна 

Ова е една од најбитните работи за угостителските објекти, покрај беспрекорната услуга и комуникативниот персонал. Запомнеете дека вие и вашиот ресторан нема да бидете ништо доколку вашата храна не ги исполнува очекувањата на гостинот. Со лошата храна гостите никогаш нема да се вратат во вашиот ресторан